Benedikt S. Lafleur Rithöfundur-Myndlistamaður

Text Box: Linkar:

Listamaðurinn

Lafleur

Benedikt S. LAFLEUR :

Rithöfundur -Myndlistarmaður

Text Box: Ferill – listræn afstaða – þróun : Benedikt Sigurðsson er fæddur 10. Júní, 1965, í Reykjavík. Tæplega þrjátíu árum síðar sest listamaðurinn að í París, þar sem hann fylgir köllun sinni undir nafninu Lafleur. Í upphafi lætur Benedikt fyrst og fremst til sín taka á ritvellinum, en gefur sig æ meir að myndlist og sýnir verk sín á þeim vettvangi. Óttinn við að tíminn sé að renna honum úr greipum hvetur listamanninn til að leggja upp í eins konar maraþon í listsköpun. Og á aðeins fáeinum árum leggur hann drög að tugi skáldverka og hundruði teikning og annarra myndverka. ,,Þörf mín fyrir að tjá mig var sterkari en ég fékk við ráðið. Og þrátt fyrir þrákelknislega viðleitni mína, að freista þess endalaust að fylgja hugmyndum mínum út í ystu æsar, þá þráði hjartað hömlulausari miðlun. Með því að tengjast andartakinu um leið og það kviknaði allt í kringum mig, og ljá þar með sjálfu alheimstungumálinu vitni, fannst mér loks draumar mínir verða eitt með raunveruleikanum. Það er í þessum anda sem ég byrjaði að tjá mig með beinni og afslappaðri hætti, án þess að gefa of mikið gaum hugarstarfinu, sem hafði löngum þreytt mig.Ég freisti þess að taka sjálfan mig ekki eins alvarlega, og fljótt fann í nautn í því að styðjast ekki í sífellu við hina þungu og þjakandi vitrænu hugsun. Mér fannst ég léttast fyrir bragðið og í fyrsta sinn reiðubúinn að skapa öllum stundum, skapa án nokkurra takmarkana og án nokkurra kvaða.” ,,Þessi hugsunarlausu tjáning opnaði fyrir mér alveg nýjan heim orða; auðugan af listrænum frumleika og leikrænni kímni, en ekki síður af hnitmiðaðri visku. Svo stundum sló hún við því sem finna mátti í hefðbundnu ritsmíðum mínum, sem ég hafði lagt mikla vinnu í og heilabrot. Þessi upptötvun leiddi mig undireins á slóðir súrrealistanna, og ósjálfráða skrift þeirra eða l´écriture automatique. Það vakti hins vegar fyrir mér að ganga enn lengra en þeir. Ég varð nú æ meðvitaðri um ferli hinnar rökrænu hugsunar, einkum þegar hún tók að ryðja sér til rúms í sköpun minni. Ég reyndi þá að tæma mig á nýjan leik til að geta skrifað eða teiknað aftur skömmu seinna. Þessari fljótu og áreynslulausu aðferð gaf ég heitið: l´art expérimental de la non-réflexion eða listtilraun án íhugunar.” Það er einmitt með hjálp þessarar frjóu og sálarbælingarlosandi sköpunarviðleitni, sem listamaðurinn heldur áfram að þróa tjáningu sína. Og um leið og hann sækir innblástur sinn án afláts í gnægðarbrunn undirmeðvitundar og þess ímyndunarafls sem þar leynist ljær hann list sinni ný myndræn form eða bókmenntaleg tákn og skapar með þeim eins konar samruna íhugunarleysis og hugmynda, fantasía og veruleika, ljóðs og prósa. Þessi sameining birtist glögglega í ljóðrænum skáldsögum, en ekki síst í myndaröðinni: Paradísartilbrigði. ,,Í upphafi var ég einvörðungu inspíraður af hugmyndinni um paradís. Andarnir sáu um afganginn…” Orðar listamaðurinn svo hnyttilega. ,,Frá mínum bæjardyrum séð er sköpunin ekki sannfæringin ein, heldur og einhvers konar hugleiðsla, hlustun sem beinist ekki einungis að mínu innra sjálfi heldur og heiminum fyrir utan, stundum ósýnilegur auganu. Viðleitni sem hættir ekki að freista mín og sem ég hef áhuga á að fylgja út í ystu æsar.” Síðustu árin hefur Lafleur ýmist dvalið í Frakklandi eða á Íslandi, þar sem hann heldur áfram að skapa og deila með öðrum list sína og annarra. E-mail: lafleur@simnet.is