|
SJÓSUNDFÉLAG ÍSLANDS |
|
Áhugamannafélag um sjósundiðkun
Ábyrgðarmaður : Benedikt S. Lafleur GSM: 659-3313
|
|
Benedikt S. Lafleur við ylströndina í Reykjavík. Hún er opin allt sumarið |
|
Mæting í skúrum Brokeyjar fyrir ofan Ylströndina í Nauthólsvík (sem er lokuð á veturnar) á þriðjudögum og föstudögum kl. 17.15. |
|
Markmið félagsins er að efla áhuga almennings um land allt á sjósundi við Íslandsstrendur, vekja athygli hans á gildi þess fyrir líkama og sál og hjálpa fólki að iðka sjósund sér til ánægju og yndisauka. Þá stefnir félagið að því að bæta aðstöðu fyrir sjósund á sem flestum stöðum við Íslandsstrendur og skipuleggja sameiginlegar sjósundferðir við öruggar aðstæður, sem og að skrá helstu þreksund og önnur söguleg sund og safna öðrum gögnum um bæði gömul og ný sjósund og birta almenningi. Sjá: Markmið og lög. |
|
|
|
Meðlimir í Sjósundfélagi Íslands í Nauthólsv. Ljósm.: Kristinn Ingvarss. Mbl. Gr. e. Sigurbjörgu Þr. |
|
Sjá grein í Tímariti Morgunblaðsins 8.8.04. |
|
Nokkur öryggisatriði sem ber að hafa í huga við sjósundiðju:
1. Nauðsynlegt er að gæta fyllstu varúðar þegar lagt er til sunds í sjó í fyrsta sinn og ákjósanlegt að vera í fylgd með reyndum sjósundiðkendum. 2. Sjór við Ísland er yfirleitt ekki heitari en 15° á sumrin og þess vegna ekki ráðlagt að leggjast til sunds án þjálfunar eða annars undirbúnings. 3. Á vetrarmánuðum, einkum undir 8°, skal ýtrustu aðgætni gætt og óvönum sundmönnum er ekki ráðlagt að dvelja lengur en í stutta stund í sjónum. 4. Byrjendum í sjósundiðkun er ráðlagt að synda nálægt ströndinni, þar sem hægt er að stíga til botns eða nálgast auðveldlega land. 5. Sjósundiðkendur er bent á að fóta sig varlega áður og eftir að lagt er til sunds og gæta sín á steinum og öðrum fyrirstöðum. Við kulda er hætt við að skynjun gagnvart sársauka dofni. 6. Loks er ástæða til að vara þá sjósundmenn sérstaklega sem hyggja á þreksund eða langt sjósund við hættulegum sjávarstraumum sem kunna að leynast úti á hafi og sums staðar ekki ýkja langt frá landi. |
|
|
|
|